ء«باسپاسوز, راديو, ينتەرنەت-جۋرناليستيكا سالاسىنداعى «ۇركەر-2017» ۇلتتىق سىيلىققا قاتىسۋ ءۇشىن وتىنىمدەردى قابىلداۋ www.urker-2017.el.kz سايتىندا جالعاسىپ كەلەدى, سىيلىقتىڭ ماقساتى ەلىمىزدىڭ تالانتتى جۋرناليستەرى مەن ساپالى مەديا-جوبالارىن انىقتاۋ جانە ماراپاتتاۋ», دەدى ۆيتسە-مينيستر.
«قازكونتەنت» اق باسقارما توراعاسى ە. كوچەتوۆتىڭ سوزىنشە سىيلىقتىڭ جۇلدە قورى – 15 ميلليون تەڭگە. «15 نوميناتسيا بويىنشا ءاربىر جەڭىمپاز 1 000 000 تەڭگەدەن الاتىن بولادى. 7 مامىرىنان باستاپ ءباسپاسوز, راديو جانە ينتەرنەت-جۋرناليستيكا سالاسىندا قالام تەربەپ جۇرگەن قاۋىمعا ارنالعان مارتەبەلى سىيلىققا قاتىسۋعا 300-دەن اسا ءوتىنىش قابىلدانعانىن اتاپ ءوتۋ قاجەت. ۇمىتكەرلەر اسىرەسە «ۇزدىك سۇحبات», «ۇزدىك فوتوسۋرەت», «ۇزدىك رەپورتاج» اتالىمدارى بويىنشا باقتارىن سىناپ كورۋگە پەيىلدى» دەدى سپيكەر.
ە. كوچەتوۆتىڭ مالىمەتىنشە قازىرگى ۋاقىتتا «جۋرناليستيكاداعى دەبيۋت», «ۇزدىك رەسپۋبليكالىق باسپا باسىلىم», «ۇزدىك جىل جۋرنالى», «ۇزدىك وڭىرلىك باسپا باسىلىم», «قازنەتتەگى مەدياسەرپىن» نوميناتسيالارى بويىنشا ۇمىتكەرلەر سانى از بولىپ وتىر.
سپيكەر, سىيلىقتىڭ لاۋرەاتتارىن ماراپاتتاۋ ءراسىمى بايلانىس جانە اقپارات قىزمەتكەرلەرىنىڭ كاسىبي مەرەكەسى – 28 ماۋسىم كۇنى سالتاناتتى جاعدايدا وتەتىنىن اتاپ ءوتتى.
اتالعان شارانىڭ ۇيىمداستىرۋشىسى – «قازكونتەنت» اق. ال, سىيلىقتىڭ قۇرىلتايشىسى - قازاقستان رەسپۋبليكاسىنىڭ اقپارات جانە كوممۋنيكاتسيالار مينيسترلىگى.
راۋان قايدار,
"ەگەمەن قازاقستان"
